Թուրքիայի Մուղլա նահանգում զբոսաշրջային միկրոավտոբուսի հետ վթարից հետո յոթ ռուսաստանցիներ մնում են հիվանդանոցում, մեկը ծանր վիրավոր է, ՌԻԱ Նովոստիին հայտնել են Անթալիայում ՌԴ գլխավոր հյուպատոսությունից։
«Օգոստոսի 8-ին՝ ժամը 7.00-ի սահմաններում, Մուղլա նահանգի Միլաս քաղաքի մոտ՝ Բոդրում-Մուգլա ավտոճանապարհին, ռուս և ղազախ զբոսաշրջիկներին օդանավակայան տեղափոխող ավտոբուսը բախվել է բեռնատարին։ Ժամը 14-ի դրությամբ յոթ ռուսներ մնում են հիվանդանոցներում։ Նրանց ցուցաբերվում է անհրաժեշտ բուժօգնություն։ Նրանցից մեկը լուրջ վնասվածքներ է ստացել»,- հայտնել են դիվանագիտական ներկայացուցչությունից։
Անթալիայում Ռուսաստանի գլխավոր հյուպատոսությունը մշտական կապի մեջ է թուրքական իշխանությունների, տուրօպերատորի և ապահովագրական ընկերության ներկայացուցիչների հետ, որպեսզի տուժած քաղաքացիները հնարավորինս շուտ վերադառնան իրենց հայրենիք ,նշել է դիվանագիտական առաքելությունը։
Թուրքական լրատվամիջոցների փոխանցմամբ՝ միկրոավտոբուսը հարվածից հետո կողաշրջվել է և ընկել է ճանապարհի եզրին։ Դեպքի առթիվ հետաքննություն է սկսվել, բեռնատարի վարորդը կալանավորվել է։
