ԱՄՆ նախագահ Դոնալդ Թրամփը կոչ է անում Չինաստանին օգնել վերականգնել Հորմուզի նեղուցում նավագնացությունը, որը խաթարվել է Իրանի շուրջ հակամարտության պատճառով։
Ամերիկացի առաջնորդը հավելել է, որ կնախընտրեր իմանալ Պեկինի դիրքորոշումը Չինաստանի նախագահ Սի Ցզինպինի հետ ամսվա վերջին նախատեսված հանդիպումից առաջ։
«Մենք կցանկանայինք նախապես իմանալ։ Դա (Թրամփի Պեկին այցից առաջ մնացած երկու շաբաթը) երկար ժամանակ է։ Մենք կարող ենք հետաձգել», - հավելել է Թրամփը՝ չնշելով, թե որքան։
Ավելի վաղ ԱՄՆ նախագահը հայտարարել էր, որ մի քանի երկրների իշխանությունները համաձայնել են մասնակցել Հորմուզի նեղուցում նավագնացության անվտանգությունն ապահովելուն։
Սպիտակ տունը հայտարարել է, որ Թրամփը կայցելի Չինաստան մարտի 31-ից ապրիլի 2-ը։ Սա ԱՄՆ գործող նախագահի առաջին այցը կլինի երկիր 2017 թվականից ի վեր։
