Ռուսաստանի Դաշնության արդարադատության նախարարությունը թարմացրել է օտարերկրյա գործակալների ռեեստրը։
Ցանկում այժմ ընդգրկված են լրագրող և քաղաքացիական ակտիվիստ Ժաննա Նեմցովան, փաստաբան Ռուստամ Խուաժեւը, «Նավալնու թիմը» և «Ռեանիմացիա» տեղեկատվական հարթակները։
Նախարարությունը նշել է, որ Նեմցովան «կեղծ տեղեկություններ է տարածել» Ռուսաստանի իշխանությունների կայացրած որոշումների և նրանց վարած քաղաքականության վերաբերյալ։
Գերատեսչությունն ընդգծել է, որ նա դեմ է արտահայտվել Ուկրաինայում իրականացվող հատուկ ռազմական գործողությանը և մասնակցել է «օտարերկրյա գործակալների հաղորդագրությունների ու նյութերի ստեղծմանն ու անսահմանափակ լսարանին տարածմանը»։
