ԱՄՆ նախագահ Դոնալդ Թրամփը հայտնել է, որ մտադիր է ապրիլին կամ «մի փոքր ուշ» այցելել Սաուդյան Արաբիա, Կատար և ԱՄԷ։ Սպիտակ տան ղեկավարը նաեւ նշել է, որ Մերձավոր Արեւելք այցից հետո մտադիր է այցելել «այլ վայրեր», սակայն չի նշել, թե որ երկրներ։ «Ես շատ լավ հարաբերություններ ունեմ Մերձավոր Արեւելքի հետ։ Դա [ուղեւորությունը] կարող է տեղի ունենալ հաջորդ ամիս [ապրիլին], գուցե մի փոքր ավելի ուշ»,- ասել է նա լրագրողներին Սպիտակ տանը՝ պատասխանելով Axios պորտալի հոդվածը մեկնաբանելու խնդրանքին, որում նշվել էր, որ Թրամփը նախատեսում է այցելել Սաուդյան Արաբիա։«Մենք նաեւ պատրաստվում ենք այցելել Կատար, ինչպես նաեւ, գուցե, մի քանի այլ երկրներ։ ԱՄԷ-ն շատ կարեւոր է։ Այնպես որ, մենք, հավանաբար, կանգ կառնենք ԱՄԷ-ում, Կատարում եւ Սաուդյան Արաբիայում, այդ երեքը։ Իսկ հետո մենք կայցելենք նաեւ այլ վայրեր, բայց Մերձավոր Արեւելքում կլինեն այդ երեք»,- նշել է ԱՄՆ նախագահը։
