Թբիլիսիի կենտրոնում՝ խորհրդարանի շենքի դիմաց, ընթանում են խորհրդարանական ընտրությունների արդյունքներից դժգոհ վրացական ընդդիմության հանրահավաքի նախապատրաստական աշխատանքները, հայտնում է «ՌԻԱ Նովոստի»-ի թղթակիցը։
Այս պահին օրենսդիր շենքի դիմաց տեղադրվում են մետաղական կոնստրուկցիաներ, բեմահարթակ։ Հարակից տարածքը հսկում են ոստիկանության աշխատակիցները, սակայն նրանք չեն խոչընդոտում իրականացվող աշխատանքներին։
Ավելի վաղ Վրաստանի նախագահ Սալոմե Զուրաբիշվիլին ընդդիմությանը կոչ էր արել երկուշաբթի երեկոյան բողոքի ցույց անցկացնել Թբիլիսիի կենտրոնում՝ կապված երկրում անցկացված խորհրդարանական ընտրությունների հետ: Ըստ ԿԸՀ-ի՝ հաղթել է իշխող «Վրացական երազանք» կուսակցությունը։
Խորհրդարանի նախագահ Շալվա Պապուաշվիլին հայտարարել է, որ Զուրաբիշվիլին և վրացական ընդդիմությունը պատրաստվում են հեղաշրջման։
