ԱՄՀ-ն հաջորդ տարի կանխատեսում է համաշխարհային տնտեսության անկում՝ պայմանավորված համաճարակով և Ուկրաինայում տիրող իրավիճակով:
Ինչպես հայտնում է «ՌԻԱ Նովստի»-ն, այս մասին ապրիլի 14-ին հայտարարել է հիմնադրամի գործադիր տնօրեն Քրիստալինա Գեորգիևան։
«Մենք կանխատեսել ենք համաշխարհային տնտեսության հետագա անկում ինչպես 2022-ին, այնպես էլ 2023-ին»,- ասել է ԱՄՀ ղեկավարը:
Նա նշել է, որ Ուկրաինայում Ռուսաստանի հատուկ գործողությունները կհանգեցնեն 143 երկրների համար արված կանխատեսումների նվազման, որոնց բաժին է ընկնում համաշխարհային ՀՆԱ-ի 86%-ը։
Մարտի սկզբին Գեորգիևան ասել էր, որ ԱՄՀ-ն կանխատեսել է, որ համաշխարհային տնտեսությունը կշարունակի աճել 2022 թվականին՝ չնայած աշխարհաքաղաքական զարգացումներին։
Այս տարեսկզբին ԱՄՀ-ն կանխատեսում էր 2022 թվականին համաշխարհային տնտեսական աճի կրճատում 0,5%-ից մինչև 4,4%: Ըստ Գեորգիևայի, իրական թվերը կլինեն ավելի բարձր, բայց դեռ կմնան դրական հետագծի վրա։
