Սպիտակ տունը փորձում է Իսրայելին ազատել Գազայի հիվանդանոցի ռմբակոծության պատասխանատվությունից, որի հետևանքով զոհվեցին հարյուրավոր մարդիկ, հիմնականում կանայք և երեխաներ:
Իսրայելը «շատ ամուր համոզմունք» ունի, որ ինքը չի եղել Գազայի հիվանդանոցի պայթյունի պատճառը, ասել է Սպիտակ տունը: «Իսրայելցիները կտրականապես հերքում են, որ իրենք որևէ առնչություն ունեն այս ամենի հետ», - Air Force One ինքնաթիռում լրագրողներին ասել է Ազգային անվտանգության խորհրդի խոսնակ Ջոն Քիրբին:
Հարցին, թե արդյոք Միացյալ Նահանգները տալիս է Իսրայելին «անմեղության կանխավարկած», Քիրբին հրաժարվել է պատասխանել, ինչպես նաև այն հարցին, թե վարչակազմի կարծիքով ո՞վ է պատասխանատու ռմբակոծության համար: Բայդենը հանձնարարել է ազգային անվտանգության թիմին հավաքել որքան հնարավոր է շատ տեղեկատվություն և համատեքստ, «որպեսզի մենք կարողանանք ավելին իմանալ տեղի ունեցածի մասին», - ասել է Քիրբին:
