Գերմանիայի կանցլեր Օլաֆ Շոլցը քննադատել է Ստամբուլի քաղաքապետ Էքրեմ Իմամօղլուի ձերբակալությունը և հայտարարել, որ դա շատ վատ նշան է թուրքական ժողովրդավարության համար:
Շոլցի խոսքով՝ Բեռլինը և Բրյուսելը մեծ ջանքեր են գործադրել վերջին տարիներին Թուրքիայի հետ հարաբերությունները բարելավելու համար:
«Հենց այդ պատճառով Ստամբուլի քաղաքապետի նման առանցքային ընդդիմադիր քաղաքական գործչի ձերբակալությունը շատ, շատ վատ նշան է։ Դա ցավոտ է Թուրքիայում ժողովրդավարության համար, բայց դա, անշուշտ, նաև ցավոտ է Եվրոպայի և Թուրքիայի միջև հարաբերությունների համար»,- ասել է Գերմանիայի կանցլերը։
Նա նշել է, որ Գերմանիան կարող է «միայն կոչ անել անհապաղ դադարեցնել դա»:
