Կառավարությունն իր այսօրվա՝ օգոստոսի 14-ի նիստում որոշեց սահմանել խաղային գործունեության կարգավորման օպերատորի ընտրության մրցույթի անցկացման ընթացակարգը։
Կառավարությունը որոշեց սահմանել նաև օպերատորի ընտրության ընթացակարգին կոնսորցիումով մասնակցության կարգը, օպերատորի հետ պայմանագրի կնքման կարգը և մրցույթը չկայացած համարվելու հիմքերը։
Ըստ որոշման, վարչապետի՝ «Խաղային գործունեության կարգավորման օպերատորի ընտրության միջգերատեսչական մրցութային հանձնաժողովի կազմը և աշխատակարգը սահմանելու մասին» որոշմամբ ձևավորված միջգերատեսչական մրցութային հանձնաժողովը որոշումը ուժի մեջ մտնելուց հետո երկամսյա ժամկետում պետք է հայտարարի Խաղային գործունեության կարգավորման օպերատորի ընտրության մրցույթ։
Խաղային գործունեության կարգավորման օպերատորը կընտրվի մրցույթով` 15 տարի ժամկետով։ Մրցույթը կիրականացվի երկու փուլով, որի արդյունքում ընտրված մասնավոր ընկերությունը պետության հետ պայմանագիրը կկնքի։
