Ռուսաստանում Ղազախստանի առևտրային ներկայացուցչությունը պաշտոնապես փակվել է։ Այս մասին այսօր՝ փետրվարի 27-ին, հայտնում է nur.kz-ը՝ հղում կատարելով Ղազախստանի Հանրապետության կառավարության որոշմանը։
Ինչպես հաղորդում է գործակալությունը, փաստաթուղթը հրապարակվել է հանրապետության Ստանդարտ վերահսկողական բանկում նորմատիվ իրավական ակտերում։
Լուծարել Ղազախստանի Հանրապետության Առևտրի և ինտեգրման նախարարության «Ղազախստանի Հանրապետության առևտրային ներկայացուցչությունը Ռուսաստանի Դաշնությունում» պետական հիմնարկը»,- ասվում է տեքստում։
Ավելի վաղ՝ փետրվարի սկզբին, տեղեկություն էր հայտնվել, որ Ղազախստանը մտադիր է լուծարել Ռուսաստանում իր առևտրային ներկայացուցչությունը։ Փաստաթղթի նախագիծը տեղադրվել է հանրային մեկնաբանության համար։
Ռուսաստանում Ղազախստանի առևտրային ներկայացուցչությունը ստեղծվել է 2002 թվականին՝ առևտրատնտեսական կապերի ընդլայնման և երկու երկրների կառավարությունների միջև առևտրային առաքելությունների փոխադարձ ստեղծման մասին համաձայնագրի իրականացման նպատակով։
