Ռուսաստանն ու նրա պրոքսիներն ակտիվացնում են իրենց ապատեղեկավական արշավը, այդ թվում՝ Հայաստանում հաջորդ տարվա ընտրություններին ընդառաջ։ Այդ մասին Եվրոպական խորհրդարանի արտաքին գործերի հանձնաժողովի արտահերթ նիստում հայտարարել է Եվրոպական Միության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը:
«Մոլդովան այս տարվա առաջնային թիրախն էր, բայց նաև լավագույն ապացույցը, որ այդ մարտահրավերը կարելի է հաղթահարել»,- նշել է Կալասը:
Նա շնորհակալություն է հայտնել հանձնաժողովին՝ արտաքին միջամտության դեմ պայքարն օրակարգում պահելու և պայքարի ռեսուրսների ավելացման հրատապությունը ճանաչելու համար:
«Մենք կշարունակենք մոբիլիզացնել արտաքին ծառայության ռեսուրսները, որոնք մենք ստեղծել ենք վերջին տասնամյակում՝ աջակցելով քաղաքացիական հասարակությանը և ազատ լրատվամիջոցներին: Ինչպես իմացանք Մոլդովայի փորձից, արտաքին միջամտությանը հակազդելը և ընտրությունների ազնվությունը պաշտպանելը պահանջում է ողջ հասարակության մոտեցումը»,- ասել է դիվանագետը:
