ՌԴ ԱԳՆ-ն հերքել է լրատվամիջոցներում տարածված տեղեկությունն այն մասին, թե ԱԳ նախարար Սերգեյ Լավրովը հոսպիտալացվել է:
ՌԴ ԱԳՆ պաշտոնական ներկայացուցիչ Մարիա Զախարովան Telegram-ի ալիքում մեկնաբանել է լուրը և ընդգծել, որ սա ֆեյքերի գագաթնակետն է.
«Ես և Սերգեյ Վիկտորովիչը Ինդոնեզիայում լրահոսն ենք կարդում և չենք հավատում մեր աչքերին. պարզվում է, որ նա հոսպիտալացվել է: Սա, իհարկե, ֆեյքերի գագաթնակետն է։ Դե սպասեք, համաշխարհային էքսկլյուզիվի»:
Այնուհետև ՌԴ ԱԳՆ ներկայացուցիչը նաև տեսանյութ է հրապարակել, որում երևում է, որ Սերգեյ Լավրովն աշխատում է փաստաթղթերով՝ ինդոնեզական հյուրանոցի պատշգամբում գտնվող սեղանի շուրջ։
