ՌԴ ԱԳՆ պաշտոնական ներկայացուցիչը ամենշաբաթյա ճեպազրույցի ժամանակ դժգոհություն է հայտնել, որ պաշտոնական Երևանը հրապարակել է ԵԱՀԿ Մինսկի խմբի համանախագահների աշխատանքային նյութերը և պետությունների ղեկավարների նամակագրությունը՝ առանց նրանց համաձայնության:
Մարիա Զախարովայի խոսքով՝ հրապարակված նյութերը վկայում են, որ Ռուսաստանը թե՛ առանձին, թե՛ որպես համանախագահ երկիր՝ հետևողական ջանքեր է գործադրել Լեռնային Ղարաբաղի հակամարտության քաղաքական և դիվանագիտական կարգավորման հասնելու համար:
Զախարովան անդրադարձել է Հայաստան-Եվրամիություն հարաբերությունների զարգացմանը, կարծիք հայտնել, թե եվրոպական կողմի միակ նպատակը Երևանի և Մոսկվայի հարաբերությունները խաթարելն է:
