Իրանի նախագահ Էբրահիմ Ռաիսին խստորեն դատապարտել է Գազա քաղաքի հիվանդանոցի վրա Իսրայելի դաժան հարձակումը, որի հետևանքով հարյուրավոր մարդիկ են զոհվել, հայտնում է Mehr-ը։
«Գազայի հատվածի Ալ-Ահլի բապտիստական հիվանդանոցում վիրավոր պաղեստինցիների գլխին ընկած ամերիկա-իսրայելական ռումբերի կրակը շուտով կկլանի սիոնիստներին», - գրել է Ռաիսին X-ի գրառման մեջ: «Որեւէ ազիվ մարդու լռությունն անընդունելի է այս պատերազմական հանցագործության առջև», - ավելացրել է Ռաիսին՝ ասելով, որ Իսլամական Հանրապետությունը չորեքշաբթի հրապարակային սգո օր է հայտարարել ողբերգության համար:
Առնվազն 800 խաղաղ բնակիչ, հիմնականում կանայք և երեխաներ, զոհվել են պաշարված Գազայի հատվածում գտնվող հիվանդանոցի վրա ավիահարվածի հետևանքով։ Զոհերի իրական թիվը կարող է շատ ավելի մեծ լինել, քանի որ «հարյուրավոր զոհեր դեռ մնում են փլատակների տակ:
