Քաղաքական սկանդալը՝ կապված հօգուտ Ճապոնիայի կառավարող կուսակցության բնակչության նվիրատվությունների հնարավոր թալանի հետ, կարող է նշանակել վարչապետ Ֆումիո Կիսիդայի վարչակազմի ավարտ։ Այս մասին տեղեկացրել է Kyodo լրատվական գործակալությունը։
«Կառավարության գլխավոր քարտուղար Հիրոկաձու Մացունոն մեղադրվում է այն բանում, որ չի տեղեկացրել միլիոնավոր իենների մասին, որոնք ստացել էր այն եկամուտներից, որոնք խմբակցությունը, որը նախկինում գլխավորում էր նախկին վարչապետ Սինձո Աբեն, ստացել էր միջոցների հավաքման միջոցառումներից»,- նշվել է հրապարակման մեջ։
Քաղաքական գործունեության համար նվիրատվությունների հավաքման գործելակերպը Ճապոնիայում լեգալ է եւ ներառում է նաեւ տոմսերի վաճառք վճարովի կուսակցական միջոցառումների համար։ Նման գործունեության համար գոյություն ունեն օրենսդրական սահմանափակումներ, իսկ ստացված գումարը պետք է արձանագրվի ֆինանսական հաշվետվությունում։
Ծագած սկանդալի պատճառով ընդդիմադիր կուսակցությունները սպառնում են մինչեւ տարեվերջ անվստահություն հայտնել կառավարությանը։ Սակայն քվեարկության ժամանակ, որը տեղի է ունեցել դեկտեմբերի 12-ին, Ճապոնիայի խորհրդարանն արդեն հրաժարվել է անվստահություն հայտնել Մացունոյին։ Կնշանակվի՞ արդյոք կրկնակի քվեարկություն՝ հայտնի չէ։
Դեկտեմբերի 8-ին տեղեկացվել էր, որ Ճապոնիայի վարչապետ Ֆումիո Կիսիդան սկանդալի պատճառով հեռացել է իր խմբակցությունից։
