Իշխող «Քաղաքացիական պայմանագիր» կուսակցության խորհրդարանական խմբակցությունն այս անգամ «կողմ» կքվեարկի Լիանա Մանուկյանի թեկնածությանը, որն ընդդիմադիր «Ուժեղ Հայաստան» դաշինքի խորհրդարանական խմբակցության կողմից առաջադրվել է ԱԺ ֆինանսավարկային և բյուջետային հարցերի մշտական հանձնաժողովի նախագահի պաշտոնում։ Այս մասին օգոստոսի 21-ին Ազգային ժողովի նիստում հայտնել է իշխող կուսակցության խորհրդարանական խմբակցության ղեկավար Արուսյակ Մանավազյանը։
Նախօրեին խորհրդարանական մեծամասնությունը՝ ի դեմս «Քաղաքացիական պայմանագրի», արգելափակել էր ընդդիմադիր «Ուժեղ Հայաստան» դաշինքի խորհրդարանական խմբակցության կողմից առաջադրված բոլոր երեք թեկնածուների ընտրությունը։
Ի պատասխան՝ վերջինս որոշել է «բարդացնել կյանքը» խորհրդարանական մեծամասնության համար և Ազգային ժողովի ամբիոնից հարցեր հնչեցնելու կամ ելույթների համար պատգամավորների յուրաքանչյուր գրանցման ժամանակ քվեարկում է ամբողջ կազմով։
Հիշեցնենք, որ խորհրդարանական ընդդիմությունն ունի 41 մանդատ։
