ԵՄ-ն լրջորեն չի մտածում միությունում քվեարկությունների ժամանակ Հունգարիայի ձայնի իրավունքի կասեցման մասին, քանի որ դա շատ քաղաքական խնդիրներ կառաջացնի: Այս մասին հայտնում է Politico եվրոպական պարբերականը՝ վկայակոչելով աղբյուրներ։
Բրիտանական Financial Times թերթն ավելի վաղ հայտնել էր, որ ԵՄ շատ պաշտոնյաներ քննարկում են Հունգարիային ձայնի իրավունքից զրկելու հեռանկարը, քանի որ Բուդապեշտը կարող է արգելափակել միության ամենակարևոր որոշումները, առաջին հերթին Ռուսաստանի վերաբերյալ: Եվրոպացի պաշտոնյաները կրկին սկսել են բաց քննարկել Հունգարիայի նկատմամբ Եվրամիության մասին պայմանագրի 7-րդ հոդվածով նախատեսված ընթացակարգը՝ անդամ պետությանը ձայնի իրավունքից զրկելու հնարավորության մասին: Politico-ն պնդում է, որ այս հոդվածի կիրառումը Հունգարիայի դեմ ներկայումս անհնար է, քանի որ Սլովակիան կարող է արգելափակել որոշումը։ Նման քայլը նաեւ «հասարակական պառակտում» կառաջացնի համայնքում։
Իր հերթին, անանուն եվրոպացի դիվանագետներից մեկը կատակել է, որ «26+1» քվեարկությունը (ԵՄ 26 անդամ երկրներ քվեարկում են միաձայն, Հունգարիան՝ դեմ) միությունում որոշումներ կայացնելու նոր չափանիշ է ստեղծում։ Նա հավելել է, որ ավելի լավ է ընտրել «ավելի կոշտ» նախաձեռնությունը ոչ միաձայն, քան «անորոշ»՝ Հունգարիայի աջակցությամբ։ ԵՄ երեք այլ դիվանագետներ նշել են, որ «26+1» համակարգը ԵՄ-ի համար տհաճ նախադեպ է ստեղծում և ընդգծել, որ «դրսից այն այնքան էլ լավ չի երևում»։
