Պետդեպարտամենտը թույլատրել է Սաուդյան Արաբիային TOW հակատանկային հրթիռային համակարգերի վաճառքը, ինչպես նաև համապատասխան նյութատեխնիկական աջակցություն տրամադրել՝ ընդհանուր 440 միլիոն դոլարի: Այս մասին հայտնել է Պենտագոնի անվտանգության համագործակցության գործակալությունը, որը պատասխանատու է ռազմական տեխնիկայի մատակարարման համար և զենքերն արտասահմանում` կառավարություն-կառավարություն պայմանագրերով:
Այդ հայտարարությունից հետևում է, որ ԱՄՆ արտաքին քաղաքականության գերատեսչությունը «հավանություն է տվել TOW 2A և TOW 2B հրթիռների, ինչպես նաև համապատասխան աջակցության և նյութատեխնիկական ապահովման հնարավոր վաճառքին Սաուդյան Արաբիայի Թագավորությանը մոտավորապես 440 միլիոն դոլար ընդհանուր արժողությամբ»: Թագավորությունը նախկինում թույլտվություն էր խնդրել ԱՄՆ-ից գնել ավելի քան հազար նման հրթիռ և դրանց հետ կապված տարբեր սարքավորումներ։
Վաշինգտոնի վարչակազմն արդեն տեղեկացրել է Կոնգրեսին այս որոշման մասին։ Օրենսդիր մարմինն այժմ ունի 30 օր պոտենցիալ գործարքը վերանայելու և այն հնարավոր արգելափակելու համար: Պենտագոնը վստահեցրել է, որ վաճառքը չի վնասի ԱՄՆ-ի մարտական պատրաստությանը։
