![Պաղեստինյան կուսակցությունները միասնության հա...](/imgs/posts/medium/2024/07/d614666.jpeg)
Պաղեստինի ՖԱԹՀ և ՀԱՄԱՍ կուսակցությունները միասնության և հարաբերությունների ամրապնդման համաձայնագիր են ստորագրել Պեկինում: Այդ մասին հայտնել է Associated Press գործակալությունը՝ հղում անելով Չինաստանի պետական հեռուստաընկերությանը:
Ըստ Չինաստանի արտգործնախարարության՝ այդպիսի որոշում կայացվել է Իսրայելի և ՀԱՄԱՍ կուսակցության միջև 2023 թ. հոկտեմբերի 7-ից ընթացող պատերազմի ֆոնին: Չինաստանի արտգործնախարար Վան Յին նշել է, որ փաստաթուղթն ուղղված է կարգավորելու իրավիճակը Գազայի հատվածում: Կողմերը որպես վերջնանպատակ են հայտարարել ՄԱԿ-ի բանաձևերի հիման վրա Պաղեստին անկախ պետության հաստատումը:
«Գլխավոր նպատակն է ստեղծել ազգային հաշտեցման ժամանակավոր կառավարություն Պաղեստինում»,- ավելացրել է Վան Յին:
Հիշեցնենք, որ ՖԱԹՀ և ՀԱՄԱՍ կուսակցությունների միջև հակասությունները սկիզբ են առել 1948 թվականին՝ պաղեստինյան տարածքների հանդեպ վերահսկողության պատճառով: 2006 թ. խորհրդարանի ընտրությունից հետո ՀԱՄԱՍ-ը դարձել է Գազայի հատվածի միակ կառավարող ուժը: