Առավոտյան Պակիստանը հակաահաբեկչական գործողություն է իրականացրել, որի շրջանակներում հարվածներ են հասցվել Իրանի Սիստան և Բելուջիստան նահանգում գտնվող «ահաբեկիչների թաքստոցներին», հայտնում է Պակիստանի ԱԳՆ մամուլի ծառայությունը։
«Այսօր առավոտյան Պակիստանը մի շարք խիստ համակարգված և նպատակային ճշգրիտ ռազմական հարվածներ է հասցրել Իրանի Սիստան և Բելուջիստան նահանգում ահաբեկիչների թաքստոցներին», - ասվում է մամուլի հաղորդագրության մեջ: «Marg Bar Sarmachar ծածկանունով գործողության ընթացքում, որն իրականացվել է առկա հետախուզական տվյալների հիման վրա, սպանվել են մի քանի ահաբեկիչներ»:
