Նրանք, ովքեր սպառնում են Իրանին, կկանգնեն կործանարար պատասխանի աջեւ՝ ցանկացած հիմար քայլի դեպքում: Այս մասին զգուշացրել է Իրանի ԱԳՆ խոսնակ Նասեր Քանանին, գրում է Mehr-ը։
Նրա խոսքով, «գրավյալ հողերում Ալ-Աքսան գրոհելու ՀԱՄԱՍ-ի գործողությունը պատասխան էր Սիոնիստական ռեժիմի (Իսրայել) կրկնվող գործողություններին՝ պղծելու Ալ-Աքսա մզկիթը և Սուրբ Ալ-Ղուդսը (Երուսաղեմ), ինչպես նաև Պաղեստինի ժողովրդի դեմ ամենօրյա հանցագործությունները»։
Պատասխանելով այս գործողությանը մասնակցելու վերաբերյալ Իրանի դեմ անհիմն պնդումներին՝ նա նշել է, որ նման քաղաքականացված մեղադրանքների առաջխաղացումը պայմանավորված է Իսրայելի պարտությամբ և արդարացնում է Արևմուտքի աջակցությունը «Սիոնիստական ռեժիմի արկածախնդրություններին»։
Նա նշել է, որ Իրանի և Հըզբոլլահի դեմ պահանջներ ներկայացնելը չի նվազեցնում Մեծ Բրիտանիայի և ԱՄՆ-ի միջազգային պատասխանատվությունը։
«Իրանի արտգործնախարարն իր իրաքցի գործընկերոջ հետ հեռախոսազրույցում առաջարկել է Պաղեստինի հարցով Իսլամական համագործակցության կազմակերպության արտահերթ նիստ անցկացնել»,- ասել է նա։ Նրա խոսքով, նման հանդիպման անցկացումը օգնում է իսլամական երկրներին օգտագործել ներքին ու միջազգային ներուժը՝ պաղեստինյան ազգին քաղաքական ու հոգևոր, ինչպես նաև միջազգային իրավական աջակցության համար։
