Ստեփանակերտի Սուրբ Հակոբ եկեղեցում վերջին հրաժեշտն են տվել ՀՀ երրորդ նախագահ Սերժ Սարգսյանի մորը՝ Նորա մայրիկին։
Նորա Սարգսյանին վերջին հրաժեշտն են տալիս նաև նախագահներ Ռոբերտ Քոչարյանը և Բակո Սահակյանը, Սերժ Սարգսյանի բազմաթիվ մարտական ընկերներ, համաքաղաքացիներ:
«Արցախը հրաժեշտ է տալիս հերոսածին Նորա մայրիկին: Հիշատակն արդարոց օրհնությամբ եղիցի: Խունկ և խոնարհում ազնվահոգի Նորա Սարգսյանի հիշատակին»,-ասված է ՀՀ երրորդ նախագահի գրասենյակի ֆեյսբուքյան էջում հրապարակված գրառման մեջ։
Հիշեցնենք, որ նոյեմբերի 7-ին 92 տարեկանում Ստեփանակերտում կյանքից հեռացել է Նորա Վահանի Սարգսյանը:
