Մոսկվան սպասում է համաձայնության Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի հեռախոսազրույցի ժամկետների վերաբերյալ։ ՌԴ նախագահի մամուլի քարտուղար Դմիտրի Պեսկովը լրագրողներին հայտնել է, որ Ադրբեջանի նախագահ Իլհամ Ալիևի հետ շփումներ չեն նախապատրաստվում, բայց անհրաժեշտության դեպքում տեղի կունենան։
«Մենք սպասում ենք համաձայնության նախագահ Պուտինի և վարչապետ Փաշինյանի հեռախոսազրույցի ժամկետների վերաբերյալ։ Հենց այս խոսակցությունը կայանա, մենք ձեզ կտեղեկացնենք»,- նշել է Պեսկովը։
Պատասխանելով հարցին, թե արդյո՞ք նման խոսակցություն է նախապատրաստվում Ադրբեջանի նախագահի հետ, Կրեմլի ներկայացուցիչն ասել է. «Դեռ ոչ»։ «Աշխատանքային մակարդակով շփումները շարունակվում են, անհրաժեշտության դեպքում նման խոսակցություն, իհարկե, կարող է լինել»,- հավելեց նա։
