Սև ծովում երեկ խորտակված «Մոսկվա» հածանավի փրկված նավաստիների թիվը կազմել է 58՝ 510 հոգանոց կանոնավոր անձնակազմից։ Այս մասին իր ֆեյսբուքյան էջում հայտնում է ռուս հայտնի ընդդիմադիր գործիչ, Պետդումայի նախկին պատգամավոր Իլյա Պոնոմարյովը։
«Թարմացված տվյալների համաձայն՝ «Մոսկվա»-ի փրկված նավաստիների թիվը կազմել է 58 մարդ՝ 510 հոգանոց կանոնավոր անձնակազմից»,- նշել է նա։
Պենտագոնը հայտնել էր, որ «Մոսկվա» հածանավի խորտակումը «մեծ հարված» էր Ռուսաստանի ռազմածովային ուժերին Սև ծովում:
«Սա մեծ հարված է Սևծովյան նավատորմի համար, դա կարևոր բաղադրիչ էր Սև ծովում որոշակի գերակայություն հաստատելու նրանց փորձի համար: Դա կազդի նրանց կարողութունների վրա», - CNN-ին ասել է Պենտագոնի խոսնակ Ջոն Քիրբին:
