Հայաստանի և Ռուսաստանի ԱԳ նախարարներ Արարատ Միրզոյանն ու Սերգեյ Լավրովը քննարկել են Երևանի և Բաքվի միջև հարաբերությունների կարգավորմանը վերաբերող հարցեր, հայտնում է ՌԴ ԱԳՆ-ն։
Նշենք՝ հանդիպումը կայացել է այսօր Սամարղանդում ընթացող ԱՊՀ ԱԳ նախարարների խորհրդի նիստի շրջանակներում:
«Արտաքին քաղաքական գերատեսչությունների ղեկավարները քննարկել են երկկողմ օրակարգի մի շարք արդիական հարցեր:
Մտքեր են փոխանակվել տարածաշրջանային խնդիրների շուրջ։ Կարևորվել է հայ-ադրբեջանական հարաբերությունների կարգավորման համար բոլոր ուղղություններով ջանքերի ակտիվացումը՝ Ռուսաստանի, Հայաստանի և Ադրբեջանի ղեկավարների պայմանավորվածություններին համապատասխան»,- նշված է հաղորդագրության մեջ:
ԱԳ նախարարները նաև պայմանավորվել են հետագա շփումների մասին։
