«Միասնության Թևեր» քաղաքական նախաձեռնության ղեկավար Արման Թաթոյանը և «Շանթ Դաշինք» ազգայնական կուսակցության նախագահ Շահեն Հարությունյանը ստորագրեցին քաղաքական համագործակցության հուշագիր, որը սահմանում է երկու ուժերի միասնական գործունեության արժեքային հիմքերը, նպատակները և սկզբունքները։
Այդ մասին հայտնում են «Շանթ Դաշինք»-ից։
Կողմերը ընդգծեցին իրենց համատեղ պատրաստակամությունը՝
պաշտպանելու պետական անկախությունն ու ինքնիշխանությունը, նպաստելու ազգային միասնության և ներազգային համերաշխության ամրապնդմանը, 2026 թ․ խորհրդարանական ընտրություններին միասնական դաշինքով մասնակցելու ընդհանուր նպատակին։Կողմերը հստակ ամրագրում են, որ բացառվում է համագործակցություն նախկին նախագահների, գործող իշխանության և նրանց հետ առնչվող ցանկացած քաղաքական ուժի կամ նախաձեռնության հետ։
