Լոնդոնի օրենսդիրները հաստատել են պատմական բարեփոխումը, որն ավարտել է արիստոկրատներին ծննդյան իրավունքով վերին պալատում նստելու արտոնությունից զրկելու բազմամյա գործընթացը:
Պաշտոնապես օրենք է ընդունվել, որը վերացնում է բացառապես ծագման հիման վրա օրենսդիրի աթոռ զբաղեցնելու հնարավորությունը։
Կառավարությունից ընդգծել են, որ փաստաթղթի ընդունումը նշանավորում է արտոնությունների վերացմանն ուղղված աշխատանքների ավարտը։ Այդ բարեփոխումներն իրականացվել են շուրջ 25 տարի։
«Խորհրդարանի կողմից վերջին մի քանի տարիների ընթացքում իրականացված խոշորագույն բարեփոխումներից մեկի համաձայն՝ ժառանգական պերերինկզրկվեն Լորդերի պալատում նիստերին մասնակցելու և քվեարկելու իրավունքից», – ասված է հայտարարության մեջ:
Երկրի իշխանությունները համոզված են, որ տոհմական իրավունքով քաղաքականությանը մասնակցելու սկզբունքը հուսահատորեն հնացել է և չի համապատասխանում ժողովրդավարական չափանիշներին: Միևնույն ժամանակ, Բրիտանիայի ղեկավարությունը համաձայնել է փոխզիջման գնալ՝ ընդդիմությանը և անկախ պատգամավորներին առաջարկելով ցմահ պերություն՝ ժառանգականի փոխարեն:
Խորհրդարանական ընդդիմությունը կկարողանա ինքնուրույն որոշել տիտղոսների շնորհման թեկնածուներին: Նոր կանոնները կսկսեն գործել օրենսդիր մարմնի ընթացիկ նստաշրջանի ավարտից անմիջապես հետո:
