Իլոն Մասկը կշարունակի դատը OpenAI-ի եւ նրա գործադիր տնօրեն Սեմ Ալթմանի դեմ՝ չնայած ամերիկյան ընկերությունը հրաժարվել է առեւտրայնացման ծրագրերից։ Այս մասին հայտնել է Մասկի փաստաբան Մարկ Թոբերոֆը։ Նրա խոսքերով, որոնք մեջբերել է Reuters գործակալությունը, Մասկը մտադիր է շարունակել OpenAI-ի դեմ «չափազանց հետաքրքիր դատը»։ Ատենակալների դատավարությունը նշանակված է 2026թ. մարտին։ Փաստաբանն այս հայտարարությունն արել է մի քանի ժամ անց այն բանից հետո, երբ ChatGPT արհեստական բանականության (ԱԲ) չաթբոտի հետեւում գտնվող ընկերությունը հայտարարել է, որ հրաժարվում է պլանավորված վերակառուցումից: Նպատակն էր OpenAI-ը վերածել շահույթ ապահովող ձեռնարկության, ինչին Մասկը կտրականապես դեմ է:«OpenAI-ը հիմնադրվել է որպես շահույթ չհետապնդող կազմակերպություն եւ այսօր էլ շարունակում է շահույթ չհետապնդել» եւ կպահպանի նույն կարգավիճակը իր առեւտրային գործունեության նկատմամբ վերահսկողության տեսանկյունից, նշվել է Ալթմանի հայտարարությունում: Այն արվել է քննադատությունների փոթորկից եւ իրավաբանական խնդիրներից հետո։ Դրանցից ամենամեծը մրցակից եւ համահիմնադիր Մասկի կողմից ներկայացված հայցն էր, որը մեղադրում էր OpenAI-ին արհեստական բանականության զարգացման հիմնադիր առաքելությունից շեղվելու մեջ:Մասկը դատի է տվել OpenAI-ին եւ Ալթմանին 2024թ. մարտին: Ձեռնարկատերը դեմ է արտահայտվել OpenAI-ն առեւտրային կազմակերպության վերածելուն, որն աջակցում է ամերիկյան տեխնոլոգիական հսկա Microsoft-ին: Սա, ըստ միլիարդատիրոջ, հակասում է 2015թ. համաձայնագրին, որը Մասկը ստորագրել է որպես համահիմնադիր։
