Ինձ համար՝ որպես նախկինում առաջին նախագահի քաղաքական թիմի մաս հանդիսացող մարդ, շարժման մաս հանդիսացող մարդ, որը հիմնված է եղել արժեքաբանական հենքի վրա, ինձ, իհարկե, այդ հայտարարությունը տարակուսանք է առաջացրել: Այս մասին այսօր ԱԺ-ում լրագրողների հետ զրույցում ասաց «Իմ քայլը» խմբակցության ղեկավար Լիլիթ Մակունցը՝ խոսելով ՀՀ առաջին նախագահ Լևոն Տեր-Պետրոսյանի երկրորդ և երրորդ նախագահներին ուղղած այն առաջարկի մասին, որ երեք նահագահները պետք է միավորվեն:
«Այն շարժումը, որի մաս ենք կազմել ես և շատ այլ քաղաքացիներ և որի տրամաբանական շարունակությունը եղել է 2008 թվականը, հետո արդեն 2018 թվականը, եղել է միևնույն արժեքաբանական հիմքի վրա»,-ասաց նա:
