Պաղեստինցիները կանգնած են Իսրայելի կողմից «զանգվածային էթնիկ զտումների» լուրջ վտանգի առջև, ասել է ՄԱԿ-ի հատուկ զեկուցող Ֆրանչեսկա Ալբանեզեն՝ նշելով, որ Գազայի հատվածում Իսրայելի ռազմական արշավի պատճառով պաղեստինցիների համար անվտանգ տեղ չկա։
«Իսրայելն արդեն իրականացրել է պաղեստինցիների զանգվածային էթնիկ զտումներ պատերազմի մշուշի տակ», - ասել է Ալբանեզեն: «Իսրայելը դարձյալ ինքնապաշտպանության անվան տակ փորձում է արդարացնել այն, ինչը նշանակում է էթնիկ զտումներ»:
Ըստ Գազայի առողջապահության նախարարության՝ երկուշաբթի օրվա դրությամբ իսրայելական ռմբակոծությունների հետևանքով Գազայի հատվածում զոհվել է առնվազն 2800 պաղեստինցի:
ՄԱԿ-ում Իսրայելի դեսպան Գիլադ Էրդանը շտապել է Ալբանեզեին մեղադրել «ահաբեկչությանը և հակասեմիտիզմին» աջակցելու մեջ։ «Ալբանեզեի հակասեմական մեկնաբանությունների բազմաթիվ օրինակներից հետո, ներառյալ «հրեական լոբբիի» և Հոլոքոստի մասին արտահայտությունները, մենք գիտենք, որ նրա խոսքերը դրդված են Իսրայելի հանդեպ խորը ատելությունից», - ասել է Էրդանը CNN-ին:
