ՄԱԿ-ի գլխավոր քարտուղար Անտոնիու Գուտերեշը ժամանել է Կազան՝ մասնակցելու ԲՐԻԿՍ-ի գագաթնաժողովին, հայտնում է Թաթարստանի Հանրապետության Պետական խորհրդի մամուլի ծառայությունը։
«Կազանի Տուկայի անվան միջազգային օդանավակայանում պարոն Գուտերեշին դիմավորել է Թաթարստանի Հանրապետության Պետական խորհրդի նախագահ Ֆարիդ Մուխամետշինը»,- ասվում է հաղորդագրության մեջ։
Գագաթնաժողովի շրջանակներում Գուտերեշը պատրաստվում է հաստատել իր դիրքորոշումը ուկրաինական հակամարտության կարգավորման վերաբերյալ, նա այն կհնչեցնի Ռուսաստանի նախագահ Վլադիմիր Պուտինի հետ հանդիպմանը։
Կազմակերպության գլխավոր քարտուղարի ներկայացուցիչ Ֆարհան Հակը նույնպես ընդգծել է, որ ճգնաժամը պետք է լուծվի երեք հիմքերով՝ միջազգային իրավունքի, ինչպես նաև ՄԱԿ-ի կանոնադրության և բանաձևերի հիման վրա։ Բացի այդ, Գուտերեշը կշարունակի ջանքեր գործադրել՝ հասնելու Սև ծովում անվտանգ նավարկության վերականգնմանը։