Լեռնային Ղարաբաղից Հայաստան հոկտեմբերի 2-ի դրությամբ տեղափոխվել է բռնի տեղահանված 100 հազար 520 անձ: «Հումանիտար կենտրոն»-ում կայացած ասուլիսում այս մասին հայտնեց Հայաստանի վարչապետի մամուլի քարտուղար Նազելի Բաղդասարյանը:
« Նախորդ օրվանից ցուցանիշը գրեթե չի փոխվել և սա նշանակում է, որ մարդկանց հոսքը հիմնականում դադարել է և Լեռնային Ղարաբաղում մնացել են պաշտոնատար անձինք և բնակչության որոշ զանգված։ Հակարիի կամուրջը հատել է 21 հազար 107 տրանսպորտային միջոց»,-ասաց Բաղդասարյանը:
Նրա խոսքով՝ արդեն հաշվառում են անցել 89 հազար 107 անձ։
