Բելառուսի նախագահ Ալեքսանդր Լուկաշենկոն իր ռուս գործընկեր Վլադիմիր Պուտինին մեծ հաղթանակներ է մաղթել։
«Ձեզ առաջին հերթին, ռուսաստանցիներին մաղթում եմ քաջառողջություն, երջանկություն, բարեկեցություն և նոր մեծ հաղթանակներ»,- ասել է նա։
Չորեքշաբթի օրը Պուտինը Լուկաշենկոյին է հանձնել «Սուրբ Անդրեաս առաքյալի» շքանշանը, Կրեմլում տեղի է ունեցել հանդիսավոր արարողություն։ Այդ շքանշանը Ռուսաստանի Դաշնության բարձրագույն պետական պարգևն է: Այն շնորհվում է պետական և հասարակական նշանավոր գործիչների, ռազմական առաջնորդների, գիտության, մշակույթի, արվեստի և տնտեսության տարբեր ոլորտների ականավոր ներկայացուցիչների՝ «բացառիկ ծառայությունների համար, որոնք նպաստում են Ռուսաստանի բարգավաճմանը, փառքին»: