Բելառուսի նախագահ Ալեքսանդր Լուկաշենկոն ասել է, որ երկրին սպասվում են դժվար ժամանակներ՝ կապված առաջիկա նախընտրական քարոզարշավի հետ, և «փախուստի դիմած» բելառուսները կարող են դիմել «ծայրահեղ տարբերակի՝ Բելառուսի տարածք զինված ներխուժման», հաղորդում է СБ. Беларусь сегодня-ն:
«Մենք բավականաչափ փաստեր ունենք ապացուցելու, որ մենք իրավացի ենք։ Հետևաբար, այն, ինչ տեսնում եք լրագրողներից մեր առաջատար հեռուստաալիքներով, մամուլում, ինտերնետում, ամեն ինչ ճիշտ է: Իսկ նրանց վերջին («փախուստի» - խմբ.) տարբերակը Բելառուսի տարածք զինված ներխուժումն է։ Որովհետև ոչ ոք փող չի տալիս շատախոսության համար։ Նրանք լիովին պարտվում են միջազգային ու ներքին օրակարգը մեր լրագրողներին։ Լիովին։ Այսպիսով, նրանց ասացին. տղերք, զրուցելը լավ է, շարունակեք: Սրա համար այսքան փող կա, մնացած ամեն ինչ ավելի արդյունավետ պայքարի, զինված ապստամբության համար է։ Ներխուժել Բելառուսի տարածք, ինչպես դա արեցին ուկրաինացիները Կուրսկի շրջանում, գրավել տարածքի մի մասը, ապակայունացնել իրավիճակը երկրում։ Ուստի, բերքահավաքի և տնտեսական այլ հարցերի հետ մեկտեղ, ես պետք է մեծ ուշադրություն դարձնեմ մեր երկրի պաշտպանունակությանը»,- ասել է Լուկաշենկոն։
