Բելառուսի նախագահ Ալեքսանդր Լուկաշենկոն կարծում է, որ նոր Սահմանադրությունն ընդունելիս իզուր չեն համարձակվել առաջարկել այնպիսի ընթացակարգ սահմանել, որի դեպքում իշխանությունները, եւ հատկապես նախագահը, կընտրվեին Համաբելառուսական ժողովրդական ժողովում։ Այս մասին նա հայտարարել է քաղաքացիական հասարակության զարգացման, կուսակցությունների եւ հասարակական միավորումների աշխատանքին նվիրված հանդիպման ժամանակ, տեղեկացնում է ԲԵԼՏԱ-ն։
«Ես ավելի ու ավելի եմ մոտենում նրան, ինչից հեռացա Սահմանադրության ընդունման ժամանակ։ Ես ուսումնասիրել եմ կուսակցաշինության համակարգը եւ ընտրված մարմիններն ամբողջ աշխարհում։ Իզուր մենք չհամարձակվեցինք մարդկանց առաջարկել իշխանություններին, հատկապես նախագահին, ընտրել Համաբելառուսական ժողովրդական ժողովում»,- ասել է Բելառուսի ղեկավարը։
Լուկաշենկոն նշել է, որ նախագահի ընտրությունները այս կամ այն կերպ սասանում են իրավիճակը, իսկ մի շարք երկրներում գործում է այլ համակարգ։ Օրինակ՝ Չինաստանում, որտեղ երկրի ղեկավարն ընտրվում է Ժողովրդական ներկայացուցիչների համաչինական ժողովում (ԺՆՀԺ):
Բելառուսի նախագահի խոսքով, մի կողմից՝ ինքը նման քայլի չի գնացել, որպեսզի ժողովրդից չխլի ընտրության այս իրավունքը։ «Այսօր ես զգում եմ, որ մենք իզուր չենք հեռացել այս կյանքից։ Կհաղթահարեինք այն: Բայց մենք հանգիստ կաշխատեինք։ Իսկ խորհրդարանը կընտրեինք ըստ շրջանների, ինչպես եւ ընտրել ենք։ Բայց մենք դա արդեն բաց ենք թողել։ Դա աղետ չէ: Անհրաժեշտություն կլինի՝ մենք կանդրադառնանք դրան։ Բայց ոչ հիմա, եւ գուցե, մենք չէ, որ պետք է դրան վերադառնանք»,- ասել է Լուկաշենկոն։
Մյուս կողմից, ըստ Ալեքսանդր Լուկաշենկոյի, իրեն կարող էին սկսել մեղադրել ժողովրդից վախենալու եւ աթոռից կառչելու ցանկության մեջ։ «Ես երբեք նման նպատակ չեմ ունեցել։ Ո՛չ, եւ երբեք չի լինի: Իմ գլխավոր խնդիրը իշխանությունը պահելը չէ, ինչպես ասում են։ Նման խնդիր ընդհանրապես չկա»,- ընդգծել է նա։
