Հայաստանի հավաքականի նախկին ավագ Հենրիխ Մխիթարյանն անդրադարձել է Ադրբեջանի կողմից Հայաստան-Արցախ ճանապարհը փակելուն։ Մխիթարյանը կոչ է արել միջազգային հանրությանն ուշադրություն դարձնել այս ամենին։
«Լեռնային Ղարաբաղում 30 հազար երեխայի ճակատագիր է վտանգված։
Երկուշաբթի Ադբեջանը փակել է Լեռնային Ղարաբաղի՝ Հայաստանին և արտաքին աշխարհին կապող միակ ճանապարհը, որով Լեռնային Ղարաբաղի բնակչությունը ստանում է բեռներ՝ սննդամթերքից մինչև դեղամիջոցներ։
Հանրապետության 120 հազար բնակիչ, այդ թվում 30 հազար երեխա, հայտնվել է շրջափակման մեջ։
Ադրբեջանը անջատել է նաև Լեռնային Ղարաբաղի գազամատակարարումը։ Ձմռանը, գիշերային ժամերին օդի ջերմաստիճանը իջնում է 0-ից ցածր, մարդիկ ցրտահարումից կարող են մահանալ։ Սա իսկապես իրական հումանիտար աղետի է վերածվում։
Լեռնային Ղարաբաղի շրջափակումը կարող է վերածվել դանդաղ մահվան դատավճռի»,- գրել է Մխիթարյանը։
