Լեհաստանի իշխանությունները փորձում են գործընկերներ ներգրավել Բելառուսի հետ սահմանը պահպանելու համար։ Այս մասին լրագրողներին հայտնել է հանրապետության ներքին գործերի և վարչակազմի նախարար Թոմաշ Սիեմոնյակը։
«Մենք սեպտեմբերին ծրագրում ենք Գերմանիայի ներքին գործերի նախարարի [Նենսի Ֆեսերի] այցը [Լեհաստան] փորձագետների հետ միասին։ Մենք ցանկացած հնարավորություն ենք փնտրում աջակցության և համագործակցության համար Լեհաստանի սահմանը պաշտպանելու համար»,- ասել է Սիեմոնյակը TVP Info-ով հեռարձակված մամուլի ասուլիսում։
Հուլիսի 9-ին RMF FM ռադիոկայանը հայտնել է, որ Լեհաստանը ՆԱՏՕ-ի մի շարք դաշնակիցներից կխնդրի ոստիկաններ ուղարկել Բելառուսի հետ սահմանը պահպանելու համար: Նրա խոսքով, Վարշավան առաջին հերթին աջակցություն է ակնկալում Հունաստանից, Իսպանիայից և Իտալիայից, քանի որ այդ երկրներն ունեն անօրինական միգրացիայի դեմ պայքարի մեծ փորձ։
Լեհաստանի իշխանությունները ծրագրում են օգոստոսի 1-ից Բելառուսի հետ սահմանին ռազմական կոնտինգենտի թիվը հասցնել 17 հազարի` «Անվտանգ Պոդլասիե» նոր գործողության շրջանակներում: Դրանցից 8 հազարը անմիջականորեն կծառայեն սահմանին և կաջակցեն սահմանապահ ծառայությանը պաշտպանության հարցում, իսկ 9 հազարը կլինեն ռեզերվում։
