Լեհաստանի բնակչությունը 2024 թվականին 129 819-ով նվազել է։ Այդ մասին են վկայում տվյալները, որոնք հրապարակել է երկրի գլխավոր վիճակագրական վարչությունը։
Բնակիչների թվի ամենամեծ կրճատումն արձանագրվել է Լոձում (6 429-ով), Բիդգոշչում (3 604-ով), Պոզնանում (2 877-ով)։ Ընդհանուր առմամբ, մեկ տարվա ընթացքում Լեհաստանում քաղաքաբնակների թիվը պակասել է 97 504-ով:
Վերջին մարդահամարը Լեհաստանում անցկացվել է 2021 թվականին։ Այդ ժամանակ երկրում ապրում էր մոտ 38,2 միլիոն մարդ:
