ԱՄՆ պետքարտուղարի առաջին տեղակալ Քրիստոֆեր Լանդաուն հանդիպել է Ուկրաինայի նախագահի գրասենյակի ղեկավար Անդրեյ Երմակի և առաջին փոխվարչապետ Յուլյա Սվիրիդենկոյի հետ՝ քննարկելու բանակցությունների միջոցով խաղաղության հասնելու հույժ կարևորությունը: Այս մասին հայտնում է ԱՄՆ պետքարտուղարությունը։
Պետքարտուղարի տեղակալը վերահաստատել է ԱՄՆ նախագահ Դոնալդ Թրամփի կոչը՝ դիվանագիտական ջանքերը շարունակելու և հունիսի 2-ին Ստամբուլում Ուկրաինայի և Ռուսաստանի միջև կայացած հանդիպումից հետո հաջորդ քայլերը վերանայելու վերաբերյալ:
Հունիսի 2-ին Ստամբուլում կայացել է Ռուսաստանի և Ուկրաինայի պատվիրակությունների միջև բանակցությունների երկրորդ փուլը: Այն տևել է շուրջ մեկ ժամ։ Կողմերը փոխանակվել են փաստաթղթերով՝ ներկայացնելով հակամարտության կարգավորման իրենց տեսլականը։
Բանակցությունների առաջին փուլը տեղի էր ունեցել մայիսի 16-ին։
