Շուրջ 60 ամերիկացի օրենսդիրներ հինգշաբթի դիմել են ԱՄՆ պետքարտուղար Էնթոնի Բլինքենին՝ հորդորելով ճնշում գործադրել Ադրբեջանի նախագահ Իլհամ Ալիևի վրա, որպեսզի նա աջակցի մարդու իրավունքների պաշտպանությանը և հաջորդ ամիս մայրաքաղաք Բաքվում անցկացվելիք COP29 կլիմայական գագաթնաժողովից առաջ ազատ արձակի քաղբանտարկյալներին:
Կոնգրեսականները, որոնց թվում են 10 սենատորներ և Կոնգրեսի 48 ներկայացուցիչներ, Բլինքենին կոչ են արել ստիպել Ադրբեջանին շոշափելի գործողություններ ձեռնարկել քաղբանտարկյալներին ազատ արձակելու ուղղությամբ և դատապարտել Հայաստանի դեմ ուղղված սադրիչ հայտարարությունները, որոնք Արցախի բռնազվթումից հետո վտանգում են խաթարել խաղաղ բանակցությունները։
«Մենք Պետքարտուղարությանը կոչ ենք անում անհապաղ և անվերապահ ազատ արձակել բոլոր քաղբանտարկյալներին, պատանդներին և ռազմագերիներին, նրանց թվում՝ ազգությամբ հայերին, որպեսզի ավելի բարենպաստ միջավայր ստեղծի COP29-ում հաջող դիվանագիտության համար»,-ասված է Կոնգրեսի նամակում:
