Ուկրաինացի զինվորները վերջին օրերին Կուրսկի շրջանում նահանջել են, սակայն շրջապատված չեն ռուսական զորքերով։ ԿՀՎ-ի տվյալները հերքում են ԱՄՆ նախագահ Դոնալդ Թրամփի և Վլադիմիր Պուտինի միաժամանակյա հայտարարությունները, հայտնում է Reuters-ը։
ԱՄՆ հետախուզական ծառայությունները, ներառյալ ԿՀՎ-ն, անցյալ շաբաթ կիսվել են այդ գնահատականով Սպիտակ տան հետ, Reuters-ին հայտնել են աղբյուրները: Սակայն, Թրամփը շարունակում էր պնդել, որ ուկրաինական զորքերը շրջապատված են Ռուսաստանի արևմտյան Կուրսկի շրջանում:
ԱՄՆ-ի և եվրոպական հետախուզության գնահատականները ցույց են տալիս, որ ուկրաինական ուժերը գտնվում են ռուսական ուժերի ինտենսիվ ճնշման տակ, սակայն ամբողջությամբ շրջապատված չեն, ասել են պաշտոնյաները:
