«Նախագծով առաջարկում ենք անապահով ընտանիքների, անաշխատունակ անձանց, զորացրված զինծառայողների և Արցախից տեղահանված անձանց զբաղվածության ծրագրերը միավորել մեկ ծրագրի մեջ, որպեսզի դրանով բարձրացնենք ծրագրի հասցեականությունը և արդյունավետությունը և ընդհանրապես շահառուների համար հասկանալի դարձնենք, թե ինչպես կարևող են դիմել և ինչ արդյունքների կարող ենք հասնել»,-կառավարության նիստում ասաց աշխատանքի և բարեկեցության նախարար Արսեն Թորոսյանը՝ զեկուցելով հերթական աջակցության ծրագիրը։
Նախարարն ասաց, որ նոր ծրագրով առաջարկում են 3 հիմնական փուլ.
-Առաջին՝ շահառուներին կտրվի մինչև 250 հազ դրամ կրթական էլեկտրոնային մեկանգամյա վաուչերներ՝ մասնագիտական ուսուցում անցնելու համար։
Այն պետք է օգտագործվի տրամադրումից հետո 6 ամսվա ընթացքում ԿԳՄՍ նախարարության կողմից հաստատված ոչ ֆորմալ կրթության մոդուլային ծրագրեր իրականացնող կազմակերպություններում և ավարտից հետո կստանան վկայական։
-Երկրորդ փուլում ֆինանսական աջակցություն կտրամադրվի գործատուին՝ ուսուցում անցած աշխատողի հետ առնվազը 3 ամսվա աշխատանքային պայմանագիր կնքող գործատուին կփոխանցվի աշխատավարձից հաշվակված եկամտահարկի գումարը՝ առաջին 3 ամսում 50 %-ի չափով, բայց առավելագույնը 25 հազար դրամ, իսկ 4-6-րդ ամսում 100%, առավելագույնը՝ 50 հազարա դրամ։
-Երրորդ՝ եթե աշխատանքային հարաբերությունները գործատուի հետ կշարունակվի 3 ամսից ավել՝ միանվագ աջակցություն կստանա 100 հազար դրամ և 12 ամիս շարունակվելու դեպքում 200 հազար դրա։
Նա նաև հայտնեց, որ այդ ամենը արվելու է թվային հարթակում։
