Կանադայում կանցկացվեն արտահերթ խորհրդարանական ընտրություններ։ Ընտրություններին մասնակցում է ընդհանուր առմամբ 16 կուսակցություն։ Քվեարկության արդյունքում հաղթած քաղաքական ուժի առաջնորդը կդառնա երկրի 25-րդ վարչապետը։
Հաջորդ ընտրությունները պետք է անցկացվեին 2025 թվականի հոկտեմբերին, սակայն այն բանից հետո, երբ նախկին վարչապետ Ջասթին Թրյուդոն հրաժարական տվեց կառավարության ղեկավարի և իշխող Կանադայի լիբերալ կուսակցության առաջնորդի պաշտոնից մարտի սկզբին, նրա իրավահաջորդ Մարկ Քարնին հայտարարեց ապրիլի 28-ին արտահերթ ընտրություններ անցկացնելու մասին:
Նա կարող էր ձախողել վստահության քվեարկությունը խորհրդարանում, որտեղ լիբերալները մեծամասնություն չունեն, և գրեթե անմիջապես կորցնել կառավարության ղեկավարի իր տեղը:
Վարչապետ Թրյուդոյի հրաժարականից հետո լիբերալների ժողովրդական աջակցությունը կտրուկ աճել է, քանի որ կանադացիները հավանություն են տալիս կաբինետի կողմից Միացյալ Նահանգների հետ սակագնային պատերազմի վարմանը։ Այս պայմաններում Քարնին հույս ունի օգտագործել հանրային աջակցությունը և ձևավորել մեծամասնության կառավարություն, ինչը լիբերալներին չի հաջողվել անել 2015 թվականից ի վեր։
