Կանադայի իշխանությունները մտադիր են բնակչության խոցելի խմբերից Աֆղանստանի 20 հազար քաղաքացիների ընդունել «Թալիբան» արմատական շարժման գրոհայինների հարձակման լույսի ներքո: Այս մասին հայտնում է եերկրի ներգաղթի, փախստականների և հյուսիսամերիկյան երկրի քաղաքացիության հարցերով նախարարության մամուլի ծառայությունը:
«Մինչ «Թալիբանը» ավելի ու ավելի շատ տարածքներ է գրավում Աֆղանստանում, ավելի ու ավելի շատ աֆղանցիների կյանքը վտանգված է, շատերն արդեն փախել են երկրից: Աճող հումանիտար ճգնաժամի պայմաններում օգնության համար ներգաղթի, փախստականների եւ քաղաքացիության հարցերի նախարար Մարկո Մենդիչինոն, ազգային պաշտպանության նախարար Հարջիթ Սինգհ Սաջանը եւ արտաքին գործերի նախարար Մարկ Գառնոն այսօր հայտարարել են, որ Կանադան կընդունի 20 հազար աֆղանցիների, որոնց սպառնում է «Թալիբանը»», - ասված է հաղորդագրության մեջ: Բացի այդ, Կանադայում կգործարկվեն արդեն ժամանած փախստականների օգնության հատուկ ծրագրեր:
Ապրիլի 14-ին ԱՄՆ-ի նախագահ Ջո Բայդենը հայտարարել Է Աֆղանստանում գործողությունն ավարտելու իր որոշման մասին, որը դարձել է ամերիկյան պատմության մեջ ամենաերկար արտասահմանյան ռազմական արշավը: Այս ֆոնին Հանրապետությունում տեղի է ունեցել անվտանգության ոլորտում իրավիճակի կտրուկ վատթարացում՝ կապված այն բանի հետ, որ «Թալիբանի» զինյալները մի շարք ուղղություններով հարձակման տեմպեր են ավելացրել: Տարբեր բաց աղբյուրներից ստացված տվյալների, ինչպես նաեւ թալիբների պնդումների համաձայն՝ արմատականները վերահսկում են երկրի տարածքի 60 տոկոսից մինչեւ 85 տոկոսը, ներառյալ հինգ պետությունների՝ Իրանի, Չինաստանի, Պակիստանի, Տաջիկստանի եւ Թուրքմենստանի հետ սահմանի երկայնքով գտնվող շրջանները: Հինգշաբթի թալիբները հայտարարել են մի շարք խոշոր քաղաքների, այդ թվում ՝ Քանդահարի եւ Հերաթի գրավման մասին:
