Գեղարքունիքի մարզի Վարդենիս համայնքի Կախակն գյուղում ՀՀ կառավարության կողմից իրականացվող «300 դպրոց, 500 մանկապարտեզ» ծրագրի շրջանակում Հայաստանի տարածքային զարգացման հիմնադրամի պատվիրատվությամբ կառուցվող կրթահամալիրի շինարարությունը, որի մեկնարկը տրվել է 2024 թվականին, իրականացվել է շուրջ 35 տոկոսով։
Ինչպես տեղեկացրին Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից, 144 տեղանոց նոր համալիրը նախատեսված է Վարդենիս համայնքի Կախակն, Տրետուք և Կուտական գյուղերի երեխաների համար։
Ծրագրի պայմանագրային արժեքը 1 միլիարդ 210 միլիոն դրամ է, որը հատկացվել է ՀՀ պետական բյուջեի միջոցներից։
Շենքի ամբողջական շահագործումը նախատեսված է 2026 թվականի սեպտեմբերին։
Կրթահամալիրը լիովին համապատասխանելու է ժամանակակից կրթական չափորոշիչներին՝ ապահովելով հարմարավետ և անվտանգ միջավայր Վարդենիս համայնքի Կախակն, Տրետուք և Կուտական գյուղերի երեխաների համար համար։
Գեղարքունիքի մարզպետ Կարեն Սարգսյանը Վարդենիս համայնքի ղեկավար Ահարոն Խաչատրյանի ուղեկցությամբ այցելել է Կախակնի կրթահամալիրի շինհրապարակ՝ տեղում ծանոթանալու ընթացող շինարարական աշխատանքներին։
