Չեչնիայի ղեկավար Ռամզան Կադիրովը Մոկսվայում հանդիպել է ՌԴ նախագահ Վլադիմիր Պուտինին: Այդ մասին Կադիրովը գրել է Տելեգրամի իր ալիքում:
Նրա խոսքով, ինքը Պուտինին զեկուցել է Չեչնիայի զարգացման կարևորագույն ոլորտների մասին, որոնք պահանջում են դաշնային կենտրոնի ուշադրությունն ու մասնակցությունը, ինչպես նաև խոսել ներդրումային ծրագրերի մասին։
«Ինչպես միշտ, Վլադիմիր Վլադիմիրովիչն անուշադրության չմատնեց ոչ մի հարց: Յուրաքանչյուր նման հանդիպում տեղի է ունենում Չեչնիայի Հանրապետության գործընթացներում մեր նախագահի ամբողջական խորը ուսումնասիրմամբ և ավարտվում է հավասարակշռված և մտածված որոշումների ընդունմամբ»,- գրել է նա։
