Իտալիան գազի պահեստները լցնելու հետ կապված լուրջ խնդիրների առաջ կկանգնի, եթե ռուսական գազի մատակարարումներն հիմա դադարեցվեն, եւ դա խնդիր կստեղծի ձմեռվա սեզոնին։ Այս մասին հայտարարել է Իտալիայի էկոլոգիայի նախարար Ռոբերտո Ցինգոլանին, փոխանցում է Reuters-ը։
«Կարեւոր կլիներ պահպանել ռուսական բեռնափոխադրումները մինչեւ 2022 թվականի վերջը, որպեսզի ձմռանը դիմակայելու եւ անվտանգ միջավայրում Ռուսաստանից մատակարարումների աստիճանաբար դադարեցումը ապահովելու հնարավորություն լինի»,- Պատգամավորների պալատում ունեցած ելույթի ժամանակ ասել է Չինգոլանին:
Նախարարը հավելել է, որ Իտալիայի համար գազի գնի ազգային շեմ սահմանելը «չափազանց բարդր» կլինի եւ պետք է արվի Եվրամիության մակարդակով։
