Իսրայելի իշխանությունները հայտարարել են Մերձավոր Արևելքի մի շարք երկրներում դեսպանատների ժամանակավոր փակման մասին։
«Իսրայելը փակում է դեսպանատները Մերձավոր Արևելքի մի շարք երկրներում՝ Բահրեյնում, Եգիպտոսում, Հորդանանում, Մարոկկոյում և Թուրքիայում»,- հինգշաբթի ասվում է իսրայելական հանրային հեռարձակողի X սոցիալական ցանցում տարածած հայտարարության մեջ։
Ըստ իսրայելական լրատվամիջոցների՝ ներկայումս աշխարհում այս կամ այն կերպ սահմանափակված է մոտավորապես 20 իսրայելական դիվանագիտական ներկայացուցչությունների աշխատանքը։ Անձնակազմին հանձնարարված է մնալ տանը և աշխատել հեռակա կարգով կամ տեղափոխվել իրենց ընդունող երկրների ավելի ապահով քաղաքներ:
