Իսրայելի իշխանությունները մտահոգված են, որ ԱՄՆ ղեկավարությունը չունի Իրանի հետ հակամարտության կարգավորման կամ լայնածավալ ռազմական գործողությունների վերսկսման հստակ ռազմավարություն։ Այդ մասին, հղում անելով իսրայելական աղբյուրներին, հայտնել է Associated Press (AP) գործակալությունը։
Գործակալության տվյալներով՝ հրեական պետության ղեկավարությունը մտավախություն ունի, որ մինչև 2026 թվականի նոյեմբերի 3-ին կայանալիք ԱՄՆ Կոնգրեսի միջանկյալ ընտրությունները ԱՄՆ նախագահ Դոնալդ Թրամփը կշարունակի «այս պատերազմը [Իրանի հետ] դանդաղ կրակի վրա պահել»՝ առանց հստակ արդյունքների հասնելու հեռանկարի։ Բացի այդ, Իսրայելի մոտ մտահոգություն է առաջացնում նավթի գների թանկացման և ամերիկյան զինուժի հրթիռային պաշարների սպառման պատճառով Իրանի դեմ ռազմական գործողությունները սահմանափակելու ԱՄՆ պատրաստակամությունը։
Այնուամենայնիվ, հուլիսի 28-ին Թրամփի հետ հանդիպման ընթացքում Իսրայելի վարչապետ Բենիամին Նեթանյահուն, AP-ի աղբյուրների փոխանցմամբ, հավաստիացրել է ամերիկացի առաջնորդին, որ հրեական պետությունը կշարժվի իրանական հարցում ԱՄՆ արտաքին քաղաքականության հունով և կաջակցի Վաշինգտոնի որոշումներին։
