Իսրայելը կարող է ոստիկանությանը թույլ տալ կրակել ճանապարհները փակող քաղաքացիների վրա

Իսրայելի իշխանությունները մտադիր են օրենք ընդունել, որը թույլ կտա ոստիկաններին կրակել քաղաքացիների վրա, եթե նրանք փակեն ճանապարհները պատերազմի ժամանակ։ Այս մասին հայտնում է Times of Israel թերթը։

Ոստիկանության աշխատակիցներին պատրաստվում են թույլ տալ Իսրայելի քաղաքացիների դեմ մարտական ​​զինամթերք օգտագործել։

Հրատարակությունը հավելում է, որ փոփոխություններն առաջ են քաշվել Իսրայելի ազգային անվտանգության նախարար Իտամար Բեն Գվիրի կողմից, իսկ գլխավոր դատախազ Գալի Բահարավ-Միարան համաձայնել է արագացնել դրանց ընդունումը։ Բայց եթե անգամ օրենքը ընդունվի, ոստիկանությունը կրակ բացելու թույլտվություն պետք է ստանա ավագ սպայից:

Միևնույն ժամանակ, իսրայելական բանակը (IDF) սկսել է վերականգնել Գազայի հատվածի հետ սահմանի այն հատվածները, որոնք ոչնչացվել են պաղեստինյան արմատական ​​ՀԱՄԱՍ շարժման զինյալների կողմից։

Իսրայելական զինվորականները շուրջօրյա աշխատում են սահմանի երկայնքով տարածքը մաքրելու և անվտանգության նոր համակարգեր տեղադրելու համար:

Ավելի վաղ հայտնի էր դարձել, որ Իսրայելի իշխանությունները հակամարտության սկզբից տարհանել են սահմանամերձ շրջանների 125 հազար բնակչի։